Pontevedra, 3 de xullo de 2018.- A Consellería de Medio Rural entregou esta mañá, na Delegación Territorial de Pontevedra, 84 tablets aos axentes e técnicos dos distritos forestais da provincia de Pontevedra.
Os axentes tamén recibiron dúas horas de formación sobre estas novas ferramentas xa que se trata dun importante instrumento para que os axentes do Servizo de loita contra os incendios forestais teñan unha maior coordinación ante os lumes nos montes galegos, axilizando así o traballo e mellorando tamén a localización dos focos en tempo real. A Consellería considera vital que o dispositivo de loita contra os incendios forestais estea dotado das últimas tecnoloxías, como o sistema Tetra, e das ferramentas necesarias para un correcto desenvolvemento do seu traballo.
- Te recomendamos -
