Inicio Galicia Teatro e música seguen a percorrer o Camiño Portugués da man de...

Teatro e música seguen a percorrer o Camiño Portugués da man de ?Vive o Camiño?, que o luns chega á cidade de Pontevedra

0

A Xunta ten programadas nas vindeiras semanas unha ducia de actuacións en diferentes concellos como Barro, Caldas de Reis, Tui, Portas ou A Guarda


O programa de artes escénicas Vive o Camiño ten programadas unha ducia de actuacións nas vindeiras semanas, a primeira das cales terá lugar este luns na cidade de Pontevedra. Será a cargo de Celso F. Sanmartín e Najla Shami Dúo ás 22,00 horas na praza do Teucro de balde para todos os públicos.

Vive o Camiño ofrece durante este verán máis de 40 actividades que enchen de música e teatro os concellos galegos do Camiño Portugués e do Camiño Portugués da Costa. Entre elas, atópanse teatralizacións con contacontos e actuacións musicais, a cargo de diferentes artistas con traxectorias recoñecidas e ampla experiencia no mundo das artes escénicas e a música. Amais, unha exposición informa en cada xornada destas dúas rutas xacobeas.

Esta iniciativa de promoción e dinamización dos itinerarios xacobeos se inclúe dentro das actividades programadas no ano do Camiño Portugués e do Camiño Portugués da Costa. Ambos son os itinerarios aos que o Plan director do Camiño de Santiago dedica en 2018 os seus principais investimentos dentro do calendario previsto para o período 2015-2021.

A programación inclúe a proposta de contos e historias das árbores do Camiño Portugués que conciencia da importancia de protexer o patrimonio forestal, a cargo de Anxo Moure. O espectáculo está acompañado nalgunhas das localidades pola animación da música en directo de Servando Barreiro. O título O Camiño que camiña con nós, de Celso Fernández Sanmartín, Celsiño, completa a oferta de contacontos desta edición de Vive o Camiño.

Tamén se inclúe o novo espectáculo de Magín Blanco, Camiños, no que mestura cancións, contos, poemas e textos de destacados escritores galegos. Igualmente, pódese gozar da participación dunha das novas voces do panorama actual da música galega, MJ Pérez, con Sigo facendo camiño, onde fusiona diversos estilos musicais co predominio do pop-rock.

Completan o programa a cantante Silvia Penide, co seu espectáculo Feminino Plural, e Najla Shami, con Camiños de culturas, acompañada por guitarrista e, nalgúns casos, percusión, para facer orixinais mesturas entre música galega e sons africanos, brasileiros ou jazz.

As próximas paradas de Vive o Camiño son as seguintes:- Luns 27 de agosto: • Pontevedra. Praza do Teucro• Celso F. Sanmartín (22,00 horas) e Najla Shami Dúo (22,30 horas)- Martes 28 de agosto: • Barro. Praza da Crega• Anxo Moure (20,30 horas) e MJ Pérez (21,30 horas)- Mércores 29 de agosto: • Caldas de Reis. Praza das Palmeiras• Anxo Moure (20,30 horas) e Najla Shami Dúo (21,30 horas)- Xoves 30 de agosto: • Tui. Praza de San Fernando• Celso F. Sanmartín (21,00 horas) e MJ Pérez (21,30 horas)- Luns 3 de setembro:• Portas. Casa da Cultura Domingo Fontán• Anxo Moure (20,00 horas) e Najla Shami Dúo (21,00 horas)- Martes 4 de setembro: • A Guarda. Torre do Reló• Magín Blanco (20,00 horas) e Najla Shami Trío (21,00 horas)- Mércores 5 de setembro: • Pontecesures. A Plazuela• Anxo Moure (20,00 horas) e Najla Shami Dúo (21,00 horas)- Xoves 6 de setembro: • Padrón. Praza de Macías• Celso F. Martín (21,00 horas) e Silvia Penide (21,30 horas)- Mércores 12 de setembro:• Rois. Campo da festa• Anxo Moure (20,00 horas) e MJ Pérez (21,00 horas)- Xoves 13 de setembro• Teo. Parque dos Tilos• Magín Blanco (20,30 horas) e Silvia Penide (22,00 horas)- Venres 14 de setembro• Ames. Praza da capela da Madalena (Milladoiro)• Celso F. Sanmartín (21,00 horas) e MJ Pérez (21,30 horas) 

Dejar una respuesta

Please enter your comment!
Nombre