Inicio Galicia Galicia avalía co Goberno central e outras comunidades autónomas os avances na...

Galicia avalía co Goberno central e outras comunidades autónomas os avances na simplificación dos controis da PAC

0

O director xeral de Gandaría, Agricultura e Industrias Agroalimentarias asistiu en Badaxoz a unha xornada sobre esta cuestión

O director xeral de Gandaría, Agricultura e Industrias Agroalimentarias, José Balseiros, asistiu hoxe en Badaxoz á xornada “Cara unha simplificación real dos controis da PAC”. Neste encontro participaron representantes de diferentes organismos pagadores de toda España, entre eles o propio Balseiros, como director do Fondo Galego de Garantía Agraria, ente adscrito á Consellería do Medio Rural e que xestiona o pagamento de fondos da PAC na nosa comunidade.

A xuntanza de traballo serviu para avaliar as medidas impulsadas polas diferentes administracións a prol dunha simplificación efectiva nos controis por superficie, analizando a situación actual tanto en España como na Unión Europea. No caso galego, o Fogga vén colaborando nestas tarefas co Fondo Español de Garantía Agraria (Fega), mediante un convenio que define o emprego de diferentes medios técnicos e humanos para levar a cabo estas tarefas.

Entre estes medios atópase dende o ano 2017 o uso de satélites para controlar tanto os usos dos terreos como as superficies, xa que estes son factores dos que depende a concesión e a contía das axudas. Os controis vía satélite complementan os que se fan sobre o terreo por parte de persoal do Fogga, en cumprimento da normativa que regula estas axudas comunitarias.

MonitorizaciónEste tipo controis “por monitorización” teñen fundamentalmente un carácter preventivo, e caracterízanse por facerse de xeito continuo ao longo da campaña e non nun período de tempo determinado, co obxectivo final de determinar a existencia de actividade agraria no medio rural.

Nesta xornada estiveron presentes representantes do propio Fega e do Goberno Central, xunto a expertos de comunidades autónomas como Estremadura e Canarias, así como de Portugal, que explicaron os sistemas de custes simplificados que puxeron en marcha nos seus respectivos programas de desenvolvemento rural (PDRs) para aplicar estes controis.

Dejar una respuesta

Please enter your comment!
Nombre