O conselleiro de Cultura e Turismo, Román Rodríguez, participou esta mañá na presentación do libro Xeomorfoloxía e paisaxes xeográficas. Catro décadas de investigación e ensino. Homenaxe a Augusto Pérez Alberti.
Con motivo da xubilación do Catedrático de Xeografía Física, máis de 50 compañeiros, colaboradores e amigos enchen as páxinas desta publicación coas principais disciplinas e liñas de investigación do profesor. O conselleiro definiu a Alberti como “un mestre que é unha institución no eido da Xeografía a nivel internacional e que dedicou 40 anos á investigación e ao ensino, un labor polo que sempre lle estaremos agradecidos”.