Este proxecto contará cun investimento económico de preto de 470.000 euros
A Consellería de Infraestruturas e Vivenda publica hoxe no Diario Oficial de Galicia (DOG) o anuncio polo que se somete a información pública o proxecto de itinerarios peonís e ciclistas na estrada AC-163, en Fontán e na AC-182, entre Mandín e As Torres.
Este proxecto contará cun investimento económico de preto de 470.000 euros. O prazo para a presentación de alegacións e informes abranguerá dende mañá ata o vindeiro 19 de outubro, tal como se indica no DOG: https://goo.gl/sccu7rNa estrada entre Espíritu Santo e Oleiros (AC-182), defínese un itinerario peonil na estrada entre Mandín e As Torres, que comunica dous tramos que contan con beirarrúas. O treito percorre os Concellos de Sada e Oleiros. A lonxitude aproximada das sendas previstas é de 260 metros.
Na estrada entre Sada e Mera (AC-163) defínese un itinerario peonil en Fontán, en Sada, executándose pola marxe esquerda, salvo un pequeno tramo pola dereita. A lonxitude aproximada das sendas previstas é de 650 metros. A nova infraestrutura posibilitará o acceso a pé desde A Pereira ata Sada.
Estas actuacións están enmarcadas no Plan de Sendas de Galicia, na comarca da Coruña, que recolle a construción de 9 itinerarios que suman 7 novos quilómetros e un investimento duns 5 millóns de euros. A execución destas actuacións será cofinanciada con Fondos FEDER 14/20.
- Te recomendamos -
