Trátase dunha iniciativa que estivo destinada a concellos, asociacións e grupos informais de rapaces e rapazas que recibiron de forma presencial información sobre convocatorias de educación non formal e asesoramento para as súas ideas
A Xunta de Galicia atendeu a 1083 mozos e mozas nas 173 incubadoras de proxectos que se desenvolveron entre os meses de maio e xuño.
Trátase dun servizo que estivo destinado aos concellos, asociacións e grupos informais de rapaces e rapazas interesados en recibir de forma presencial, a través dun obradoiro práctico, información sobre as convocatorias da Dirección Xeral de Xuventude, Participación e Voluntariado no ámbito da educación non formal, así como asesoramento para darlle forma ás súas ideas, proxectos e iniciativas.
Nas incubadoras de proxectos expuxéronse os requisitos de solicitude e principais características dos programas Iniciativa Xove, Galeuropa, Deseñando o teu futuro e ordes de axudas destinadas ás entidades de acción voluntaria. As cifras finais demostran un alto interese do tecido asociativo galego por esta iniciativa así como dos centros de ensinanza.
- Te recomendamos -
