Inicio Galicia Un total de 10 praias da área do Barbanza acollen a campaña...

Un total de 10 praias da área do Barbanza acollen a campaña de sensibilización sobre a importancia do marisqueo e a problemática do `furtivismo de bañador'

0

Esta iniciativa arrancou o 20 de xullo e prolongarase ata este venres 17 de agosto nos areais galegos que reciben máis visitantes e que contan con maior produción marisqueira e coincidindo coa época de maior afluencia de turistas


A Xunta leva a 10 praias da zona do Barbanza a campaña de concienciación Non sexas pirata! Á praia vense a gozar, non saquear, que se puxo en marcha o 20 de xullo e se prolongará ata este venres. Así o sinalou a conselleira do Mar, Rosa Quintana, durante a visita realizada ao posto desta iniciativa, que hoxe está no paseo marítimo de Boiro, un dos sete municipios da área do Barbanza percorridos por esta iniciativa.

A conselleira lembrou que esta campaña está presente nas praias galegas que reciben máis visitantes e que contan con maior produción marisqueira e coincidindo coa época de maior afluencia de turistas. Ademais explicou que, ata o de agora, a iniciativa xa estivo presente nos 35 areais que son obxecto da campaña e agora está reforzando a súa presenza en praias que xa foron visitadas. De feito en Boiro xa estivo presente no mes de xullo.

Rosa Quintana fixo fincapé en que o obxectivo desta acción é concienciar á cidadanía sobre a importancia do marisqueo e a ilegalidade que supón a extracción de marisco sen permiso de explotación. Para iso e para amosar o traballo que hai arredor do marisqueo e que desenvolven os seus profesionais, realizaranse un total de 50 accións, que consisten nunha dinámica de xogo educativo.

Para desenvolvela, a Xunta solicitou a implicación do sector enviando a principios de xullo unha misiva a todas as confrarías de Galicia para informalas da súa posta en marcha. Neste sentido, a conselleira destacou a importancia de loitar xuntos contra a problemática do furtivismo de bañador, pór en valor o labor dos mariscadores e mariscadoras profesionais e facer un chamamento á responsabilidade de cada bañista.

Esta campaña súmase a outras iniciativas de sensibilización da Consellería do Mar. Unha delas é o proxecto piloto desenvolvido no 2016, que consistiu na entrega de 5.000 paipais en diversas confrarías da provincia de Pontevedra con mensaxes de concienciación. Outra é a aplicación móbil Non piques, non peques, que leva máis de 10.000 descargas nas distintas plataformas móbil e que contén información sobre a época óptima de consumo de produtos do mar.

O furtivismo nas praiasEn relación á problemática do furtivismo nas praias, Rosa Quintana explicou que cada verán o Servizo de Gardacostas realiza entre 500 e 1.000 inspeccións nos areais galegos, nas que incluso se chegan a comisar máis dunha tonelada de marisco.

Neste sentido, fixo fincapé en que o furtivismo é un problema socioeconómico, xa que afecta aos mariscadores profesionais que teñen permiso de explotación, sementan o marisco, limpan as praias e pagan uns impostos. Tamén é un problema medioambiental, porque supón un prexuízo para o ecosistema, e de saúde, pois pode supor un risco para quen consume produto extraído e comercializado de xeito ilegal ao non ter pasado ningún tipo de control que o avale.*Anéxase táboa dos lugares nos que se desenvolverá a campaña nos próximos días

800×600

CONCELLO

Dejar una respuesta

Please enter your comment!
Nombre