Inicio Galicia Política Social prorroga a vixencia dos títulos de familia numerosa e dos...

Política Social prorroga a vixencia dos títulos de familia numerosa e dos certificados das monoparentais ata que remate o estado de alarma

0

Non será necesario que as familias renoven os seus documentos ata tres meses despois do levantamento das medidas


A Xunta prorroga a vixencia dos títulos de familia numerosa, os carnés familiares e os certificados de familia monoparental expedidos en Galicia ata a finalización das medidas extraordinarias do estado de alarma. Deste xeito, e dado que todos os trámites administrativos están suspensos, as familias non terán que renovar os seus documentos.

En concreto, non será necesario que se renoven aqueles documentos que caduquen entre o 1 de xaneiro de 2020 e tres meses despois do levantamento das medidas derivadas da declaración do estado de alarma. Unha vez rematado este tempo e se reabran os servizos administrativos non esenciais, os titulares destes títulos ou certificados están obrigados a solicitar a súa renovación.

Así mesmo, no caso das familias numerosas, a prórroga non será de aplicación no caso de que os fillos deixen de cumprir os requisitos para formar parte dunha familia numerosa, isto é, ser maior de 26 anos e non ter un grao de discapacidade igual ou superior ao 33 por cento.  

Dejar una respuesta

Please enter your comment!
Nombre