Inicio Galicia Política Social informa ás mozas e mozos de Xinzo de Limia sobre...

Política Social informa ás mozas e mozos de Xinzo de Limia sobre o programa Voluntariado no Camiño

0

Trátase de fomentar a participación da xente nova no vindeiro Ano Santo

A directora xeral de Xuventude, Participación e Voluntariado, Cristina Pichel, mantivo unha reunión informativa sobre o programa Voluntariado no Camiño con mozas e mozos do concello ourensán de Xinzo de Limia. A Consellería de Política Social e a de Cultura e Turismo poñen en marcha esta iniciativa para relanzar a participación da xente nova no vindeiro Ano Santo.

Cristina Pichel explicou que, de inicio, este programa se desenvolverá nos Camiños Francés e Portugués, e na Vía da Prata, para despois estenderse a todas as rutas de peregrinación a Compostela. No caso concreto de Xinzo de Limia, cómpre indicar que a igrexa de Santa María de Xinzo, dentro da ruta da Vía da Prata, é un dos elementos patrimoniais que se poderá poñer en valor ao abeiro deste programa.

Voluntariado no Camiño procura enriquecer a viaxe dos peregrinos que realizan o Camiño de Santiago, achegándolles información que precisen, e á vez, dar a oportunidade ás persoas voluntarias de ser embaixadores das rutas xacobeas, ao tempo que adquiren novas habilidades e coñecementos a través dunha experiencia única.

Dejar una respuesta

Please enter your comment!
Nombre