Inicio Galicia Política Social felicita aos participantes dos XXV Xogos Autonómicos de deportes minoritarios...

Política Social felicita aos participantes dos XXV Xogos Autonómicos de deportes minoritarios Special Olympics pola súa valía

0

Destaca que este evento converte en protagonistas aos deportes minoritarios e ás persoas con discapacidade

O director xeral de Maiores e Persoas con Discapacidade, Ildefonso de la Campa, felicitou esta mañá aos participantes dos XXV xogos autonómicos de deportes minoritarios Special Olympics pola súa valía e espírito constante de superación. Fíxoo durante a inauguración desta competición que tivo lugar en Vilagarcía de Arousa.

Ildefonso de la Campa agradeceu ás entidades organizadoras pola súa implicación e por facer posible este evento que converte en protagonistas aos deportes minoritarios e ás persoas con discapacidade. Neste sentido, sinalou que Special Olympics permite que todas as persoas poidan demostrar do que son capaces, independentemente das súa circunstancias.

Así mesmo, o director xeral destacou a importancia de que as administracións manteñan unha colaboración estreita coas entidades que mellor coñecen as necesidades das persoas con discapacidade e traballan os 365 días do ano para lograr para eles a mellor calidade de vida posible.  

Dejar una respuesta

Please enter your comment!
Nombre