Inicio Galicia Política Social afonda no coñecemento das necesidades das persoas con alzhéimer nas...

Política Social afonda no coñecemento das necesidades das persoas con alzhéimer nas XVIII xornadas interdisciplinarias de Fagal

0

O evento xirou en torno aos efectos da crise sanitaria da covid-19 no traballo das persoas coidadoras e familiares

O director xeral de Maiores e Persoas con Discapacidade, Fernando González Abeijón, participou nas XVIII Xornadas Interdisciplinarias da Federación Alzhéimer Galicia (Fagal), que este ano tiveron como particularidade que son integramente online. O responsable da área de Maiores salientou a importancia deste encontro para “afondar no coñecemento das necesidades das persoas con alzhéimer”.

As xornadas, que contaron coa participación de relatores estranxeiros, centráronse en analizar como está a afectar a crise sanitaria da covid-19 ao traballo diario dos coidadores de persoas con demencia e as súas familias. Neste sentido, Fernando González transmitiu o recoñecemento da Xunta de Galicia a todas as entidades que forman parte de Fagal que traballan para mellorar a situación destas persoas a diario e, sobre todo, no actual contexto de pandemia.

O programa das xornadas de Fagal incluíu dúas mesas redondas, unha sobre o tratamento da covid-19 e as demencias noutros países europeos e outra sobre a covid-19 e a demencia en Galicia. No encontro tamén se abordou a experiencia das asociacións galegas de alzhéimer.

Dejar una respuesta

Please enter your comment!
Nombre