Inicio Galicia Os peiraos autonómicos da Mariña incrementan o tráfico de madeira en bruto...

Os peiraos autonómicos da Mariña incrementan o tráfico de madeira en bruto nos cinco primeiros meses do ano

0

O peirao de Ribadeo rexistrou un movemento de 175.000 toneladas de mercadorías neste período e incrementou un 150% as cifras desta materia prima

Os portos de titularidade autonómica da comarca da Mariña lucense teñen consolidada a recuperación dos tráficos de madeira en bruto ao longo dos cinco primeiros meses do ano. Así o reflicte o informe de xestión elaborado polo ente público ao peche do mes de abril.

No caso do porto de Ribadeo evidénciase de xeito destacado a recuperación do tráfico de madeira. Este peirao comercial rexistrou entre o 1 de xaneiro e o 30 de abril un movemento total de mercadorías de 175.000 toneladas, das que 141.000 corresponden a pasta de papel e 20.000 a madeira en bruto, mercadorías máis destacadas.

En total, o porto de Ribadeo rexistrou unha suba interanual do 4,5% no tráfico de mercadorías nos cinco primeiros meses do ano. Esta porcentaxe sobe de xeito moi reseñable no que ao tráfico de madeira en bruto se refire. Así, o volume de tráficos de madeira en bruto en Ribadeo subiu un 150% interanual, pasando de 7.700 ao peche de abril de 2018 a 20.000 á mesma data deste ano. A recuperación dos tráficos de madeira nos portos autonómicos non só está a ser percibida no peirao de Ribadeo, senón tamén no de Burela. Así, o porto burelés moveu nos primeiros cinco meses do ano 19.000 toneladas desta materia prima, o que supón unha suba do 135% respecto ao mesmo período do ano anterior. En termos netos, o tráfico de madeira en Burela pasou de 8.000 a 19.000 toneladas.

Dejar una respuesta

Please enter your comment!
Nombre