“Saborea Galicia”, a exhibición levada a cabo polo chef Jorge Gago no Uruguai, dedica a súa clausura a alumnos e profesores seleccionados polo Instituto Nacional de Empleo y Formación Profesional
Preto de 200 persoas, entre profesionais do sector da alimentación, a comunicación e a distribución, e alumnos e profesores de diferentes centros de ensino de hostalería da Arxentina e O Uruguai pasaron durante a última semana polo Club Español de Bos Aires e o restaurante García de Montevideo para asistir a algún dos oito showcookings que o chef Jorge Gago ofreceu dentro da iniciativa de obradoiros de sabores organizados pola Secretaría Xeral da Emigración en colaboración coa Consellería de Mar, a Consellería do Medio Rural, a Fundación Pública Artesanía de Galicia, a Axencia Galega de Turismo e o IGAPE.
O último grupo que recibiu as leccións prácticas do gañador do Premio Cociñeiro Novo 2017 no Fórum Gastronómico de Galicia e cociñeiro do restaurante A Maceta de Santiago de Compostela foi o que onte á tarde acudiu ao García a través do Instituto Nacional de Empleo y Formación Profesional do Uruguai. Tratábase de estudantes e mestres de diferentes escolas de restauración do país seleccionados polo Goberno uruguaio para formar parte destes reducido grupo de asistentes. As elaboracións que o chef elaborou en directo para os máis de 230 profesionais do sector serviron para achegarlles as bondades da nova cociña galega, baseada en produtos tradicionais galegos procedentes da terra e do mar tratados cos métodos máis actuais, que puxeron Galicia no mapa da gastronomía mundial. Gran expectación en ambos paísesA elevada expectación que espertou este evento en ambos países levou ao Goberno galego a incrementar o número de prazas dispoñibles de 25 a 30 en cada un dos pases, a expceción daqueles organizados en colaboración cos Gobernos arxentino e uruguaio, que mantiveron a matrícula convida. Foron, así, máis de 230 os asistentes que viron cociñar en vivo ao chef, natural de Caldas de Reis e afincado na capital galega, que tiveron a oportunidade de degustar a calidade tanto da materia prima como da elaboración da cociña galega.
- Te recomendamos -
