Inicio Galicia Os gardacostas requisaron a comezos desta semana preto de 50 quilos de...

Os gardacostas requisaron a comezos desta semana preto de 50 quilos de centola nun control realizado en Muxía

0


Axentes do Servizo de Gardacostas de Galicia, dependente da Consellería do Mar, requisaron 47,5 quilos de centola e os catro sacos de rede que contiñan esta especie nun control realizado a comezos desta semana na zona do cabo Touriñán, no concello de Muxía. A mercadoría, que foi atopada entre as rochas, estaba sen identificar e a maioría dos exemplares estaban ovados, polo que o produto foi devolto ao mar na zona pois, tal e como establece a Lei de Pesca de Galicia, a captura de especies ovadas ou de talle ou peso inferior ao establecido non está permitida.

A Consellería do Mar lembra á cidadanía que o consumo de marisco extraído e comercializado de xeito ilegal pode supor un risco para a saúde ao non ter pasado ningún tipo de control que o avale. Por iso pide aos consumidores que non merquen produto fóra das canles legais de comercialización.

Dejar una respuesta

Please enter your comment!
Nombre