Inicio Galicia O delegado territorial da Xunta na Coruña, Gonzalo Trenor, realiza unha visita...

O delegado territorial da Xunta na Coruña, Gonzalo Trenor, realiza unha visita institucional a Porto do Son

0
image_gallery.jpg

O representante do goberno autonómico e o alcalde analizaron a situación sanitaria e repasaron o estado das obras que está realizando a Xunta neste concello


O novo delegado territorial da Xunta, Gonzalo Trenor, realizou esta mañá a primeira visita institucional ao alcalde de Porto do Son, José Luis Oujo, tras a toma posesión o pasado luns. No encontro repasaron os proxectos que ten actualmente en marcha a Xunta en Porto do Son e as necesidades derivadas do covid-19 nos distintos servizos públicos do concello. Ademais, interesouse polas suxerencias achegadas polo rexedor.

No que respecta ás obras ambos representantes públicos puxeron en valor o importante investimento que se está realizando por parte da Consellería do Mar de máis de catro millóns de euros para levar a cabo a remodelación integral do bordo portuario de Porto do Son que favorecerán a integración do porto na vila facendo toda a esta zona máis atractiva. Ademais, destacaron o gran avance que supuxo a mellora da zona de atraque do porto cun investimento de 500.000 euros.

Os dous representantes públicos tamén coincidiron nos problemas que está xerando a decisión do Goberno Central de eliminar máis de 100 millóns de euros dos orzamentos destinados a emprego para a nosa Comunidade Autónoma, o que está provocando que non se poidan iniciar os obradoiros de emprego que tan necesarios son para os concellos nestes momentos tan complicados.

Do mesmo xeito, o delegado territorial e Jose Luis Oujo analizaron a situación sanitaria no concello de Porto do Son. Neste senso, o delegado territorial lembrou a creación dos comités clínico e educativo que contan con mecanismos de asesoramento, decisión e avaliación para loitar contra o coronavirus en coordinación permanente cos concellos. 

Dejar una respuesta

Please enter your comment!
Nombre