Inicio Galicia O delegado territorial da Xunta en Ourense visita as obras da nova...

O delegado territorial da Xunta en Ourense visita as obras da nova senda peonil en Albarellos, no concello de Monterrei

0
image_gallery.jpg

Esta actuación, cun investimento de máis de 180.000 euros, ten un prazo de execución de 6 meses


O delegado territorial da Xunta en Ourense, Gabriel Alén, visitou esta tarde as obras da senda peonil en Albarellos, concello de Monterrei, que a Consellería de Infraestruturas e Mobilidade principiou o pasado 19 de agosto. Acompañado polo alcalde, José Luís Suárez, percorreron o treito de máis de trescentos metros no que comprobaron o estado avanzado da obras que está previsto que rematen a finais de febreiro do vindeiro ano. Ámbolos dous coincidiron que se trata dunha construción necesaria, que facilitará os desprazamentos cotiás dos veciños desta contorna dun xeito máis sustentable, cómodo e seguro.

Esta actuación, cun investimento de máis de 180.000 euros, ten un prazo de execución de 6 meses e o seu itinerario desenvólvese na estrada autonómica OU-143, cuxo trazado coincide co discorrer da Vía da Prata, no tramo comprendido entre os puntos quilométricos 1+460 e 1+800.

Trátase dunha senda a ambas dúas marxes da estrada, duns 340 metros de lonxitude, e un ancho mínimo de 1,9 metros. Executarase un pavimento de 15 centímetros cor gris natural, elevado 10 cm. sobre a calzada, que inclúe zonas rebaixadas para facilitar as entradas de vehículos.

Tamén se está a acometer dúas paradas de autobús e se instalará unha marquesiña, co obxectivo de mellorar as condicións de acceso ao transporte público. 

Dejar una respuesta

Please enter your comment!
Nombre