Inicio Galicia Nava Castro asiste na Coruña ao espectáculo Revolution on Ice do patinador...

Nava Castro asiste na Coruña ao espectáculo Revolution on Ice do patinador Javier Fernández no que colabora a Xunta de Galicia

0

O Goberno galego apoia esta iniciativa que está a xirar por toda España a cargo do dous veces campión do mundo e medalla olímpica

A directora de Turismo de Galicia, Nava Castro, asistiu ao espectáculo, que está a xirar por toda España, Revolution on Ice do patinador artístico Javier Fernández e no que a Xunta de Galicia é un dos colaboradores.

Da man do dous veces campión do mundo, sete veces campión de Europa e medalla da bronce olímpica, este espectáculo apoia ademais unha causa benéfica. Javier Fernández escolleu este ano o impulso ao deporte inclusivo, sendo a Fundación María José Jove a entidade embaixadora en Galicia. A cita que contou coa presenza de máis de 6.000 persoas, fusiona patinaxe artística e música en vivo sobre unha pista de xeo e narra unha historia vinculada ao deporte inclusivo incidindo no esforzo, loita e superación. O apoio da Xunta a estes espectáculos enmárcase no seu compromiso por colaborar con iniciativas que sexan un atractivo turístico tamén fora de tempada alta e, neste caso tamén, aglutinando deporte, espectáculo e valores.

Dejar una respuesta

Please enter your comment!
Nombre