Inicio Galicia Medio Rural leva investidos máis de 3,6 millóns de euros na reestruturación...

Medio Rural leva investidos máis de 3,6 millóns de euros na reestruturación parcelaria de Fisteus, en Curtis, a maior de Galicia con case 4000 hectáreas

0

O director xeral de Desenvolvemento Rural mantivo un encontro co alcalde do concello coruñés para escoitar as inquedanzas dos implicados


A Consellería do Medio Rural leva investidos máis de 3,6 millóns de euros na reestruturación parcelaria de Fisteus, no concello coruñés de Curtis. Así o trasladou o director xeral de Desenvolvemento Rural, Miguel Pérez Dubois, ao alcalde do municipio, Javier Francisco Caínzos Vázquez, nunha xuntanza na que tamén estiveron presentes técnicos da Consellería.

No encontro, o rexedor de Curtis expuxo as inquedanzas e intereses dos veciños da parroquia de Santa María de Fisteus á hora de abordar o proceso de reestruturación parcelaria. Pola súa parte, o director xeral acordou convocar a finais deste mes unha reunión con todos os implicados para escoitalos e resolver as súas dúbidas.

A reestruturación parcelaria de Fisteus é a de maior extensión de Galicia. Afecta a 1062 propietarios do concello coruñés de Curtis e a unha superficie de 3938 hectáreas repartidas en 9921 parcelas.

Dejar una respuesta

Please enter your comment!
Nombre