Inicio Galicia Medio Ambiente salienta as distintas actuacións en materia de rehabilitación en Ribadavia...

Medio Ambiente salienta as distintas actuacións en materia de rehabilitación en Ribadavia como exemplo do compromiso coa recuperación edificatoria

0

A conselleira de Medio Ambiente, Territorio e Vivenda destaca que as dúas Áreas de Rehabilitación Integral do municipio -ARI do Conxunto Histórico e do Casco Antigo de San Cristovo- recibirá case 160.000 euros en axudas á rehabilitación da convocatoria de 2020

A conselleira de Medio Ambiente, Territorio e Vivenda, Ángeles Vázquez, salientou esta mañá as distintas actuacións en materia de rehabilitación que se executan no Concello de Ribadavia como exemplo do compromiso coa recuperación edificatoria e a conservación patrimonial dos municipios galegos.

A conselleira de Medio Ambiente visitou esta mañá as actuacións que se están a levar cabo nas dúas Área de Rehabilitación Integral de Ribadavia declaradas no concello e que ao abeiro da actual convocatoria -a de 2020- se beneficiará de axudas por un importe de case 160.000 euros, para levar a cabo actuacións en materia de rehabilitación na ARI do Conxunto Histórico e do Casco Antigo de San Cristovo, e aos que hai que engadir os máis de 530.000 euros que lle foron adxudicados en convocatorias de ano anteriores.

Explicou que a través deste programa, que no conxunto de Galicia mobilizará 2,6 millóns de euros para 25 ARI en 17 concellos, os cidadáns reciben axudas para a rehabilitación de vivendas e edificios de vivendas que se atopan dentro da Área de Rehabilitación Integral; mentres que os concellos tamén reciben axudas para actuacións de urbanización e reurbanización no ámbito desas ARI.

Outro dos programas de rehabilitación impulsado pola Xunta é o Programa Rexurbe, do que tamén se beneficiou en dúas ocasións o Concello de Ribadavia, e que consiste nunha oferta pública para a adquisición de inmobles. Na primeira convocatoria, a do ano 2019, se adquiriu un inmoble emprazado no número 16 da rúa Cervantes, por un importe de case 40.000 euros. A segunda foi neste mesmo ano e o Instituto Galego de Vivenda e Solo está solicitar a corrección da documentación para poder valorar as catro ofertas presentadas e seleccionar a máis equilibrada. A previsión do IGVS é adxudicar antes de que remate este ano.

Por último, recordou que Ribadavia -xunto con Mondoñedo e A Coruña- é un dos concellos que contan cunha Área Rexurbe declarada, unha figura creada tras a aprobación da Lei de Rehabilitación de Galicia.

Esta área inclúe o ámbito do Conxunto Histórico de Ribadavia cunha superficie de 0,108 km2 e comprende 459 edificios cun total de 709 vivendas e agora, o Concello debe traballar no plan de dinamización, que recolla as medidas a adoptar e o seu financiamento.

Segundo manifestou a conselleira, cada día os galegos son máis conscientes da necesidade de preservar o que xa está construído, sen por iso desatender as novas necesidades dos cidadáns. Nese sentido, recoñeceu que é un camiño no que as administracións non están soas, senón que a implicación da sociedade galega, cada vez máis concienciada con protexer o patrimonio e con apostar pola súa recuperación, é fundamental.

A conselleira de Medio Ambiente reiterou que a rehabilitación é unha das grandes apostas do actual Goberno, pois a través da rexeneración urbana, a recuperación do construído e a revitalización das cidades, pobos e aldeas, ademais de preservar a identidade de Galicia, séntanse as bases para facer de Galicia unha rexións máis atractiva para vivir, traballar e visitar. 

Dejar una respuesta

Please enter your comment!
Nombre