Inicio Galicia Mañá impártese en Curtis unha xornada organizada pola Xunta sobre a pegada...

Mañá impártese en Curtis unha xornada organizada pola Xunta sobre a pegada de carbono en gandarías de produción ecolóxica

0
image_gallery.jpg

O Consello Regulador da Agricultura Ecolóxica de Galicia colabora na iniciativa


A Consellería do Medio Rural, a través da Axencia Galega da Calidade Alimentaria (Agacal), organiza entre mañá e o xoves unha xornada sobre a pegada de carbono en gandarías de produción ecolóxica. A acción formativa, na que colabora o Consello Regulador da Agricultura Ecolóxica de Galicia (Craega), impartirase no salón de actos do recinto feiral de Curtis.

A iniciativa, que se desenvolverá en horario de mañá e tarde, está dirixida principalmente a gandeiros. Contará cunha duración total de 10 horas, das cales 7 serán teóricas e 3 prácticas. Nese tempo, trataranse temáticas como o funcionamento das gandarías en ecolóxico, a pegada de carbono e o futuro de ambas certificacións, así como as súas posibilidades no mercado.

Así mesmo, durante a xornada abordarase a nova normativa europea de produción ecolóxica e ensinaráselles aos asistentes como poden calcular a pegada de carbono da súa explotación, con vistas a reducila mediante boas prácticas ambientais.

O principal obxectivo do Plan de formación ao agro galego é impulsar o desenvolvemento de actividades formativas, de demostración e información que leva a cabo a Consellería do Medio Rural. Con estas accións, preténdese contribuír a que os coñecementos cheguen aos seus últimos destinatarios: agricultores, gandeiros, silvicultores ou representantes da industria agroalimentaria.

Polo tanto, trátase de mellorar a capacitación dos traballadores dos sectores agrario, agroalimentario e forestal en todo o relacionado cos aspectos técnicos e económicos das súas actividades incidindo, cando sexa preciso, na reordenación das producións e no emprego dos métodos produtivos respectuosos coa conservación e na protección do medio.  

Dejar una respuesta

Please enter your comment!
Nombre