Inicio Galicia Fabiola García destaca os avances conseguidos polas mulleres en todos os ámbitos

Fabiola García destaca os avances conseguidos polas mulleres en todos os ámbitos

0

Tamén defende o papel protagonista que as mulleres merecen na sociedade


A conselleira de Política Social, Fabiola García, destacou os avances conseguidos pola muller en todos os ámbitos e defendeu o papel protagonista que estas merecen na sociedade. Díxoo durante a mesa redonda Historia de mulleres reais organizada pola Asociación Cultural Galega para a Formación Permanente de Adultos (Ategal) con motivo do Día Internacional da Muller.

Fabiola García deu paso a seis alumnas de Ategal que deron conta das súas experiencias vitais e das dificultades ás que tiveron que facer fronte no pasado polo feito de ser mulleres e nas que outras se poden ver reflexadas. Estas foron: Blanca Lago, que contou as súas vivencias en distintos países nos que estivo acompañando ao seu marido embaixador; Manuela Barbeiro, enfermeira; Elena Garrido, xefa de Protocolo do Concello de Santiago de Compostela; Fina Sanín, empregada do fogar; María Victoria, mestra; e Chicha Botana, empresaria.

A conselleira sinalou que as historias destas mulleres son un exemplo do traballo, os esforzos, valores e principios que lles permitiron brillar con luz propia nun tempo e nun mundo de homes. Pese aos avances en materia de igualdade acadados, Fabiola García sinalou que aínda queda camiño por percorrer e apuntou que actos como o de hoxe serven para que ninguén máis silencie a voz das mulleres.

Dejar una respuesta

Please enter your comment!
Nombre