Inicio Galicia Fabiola García destaca a calidade asistencial das casas niño, nas que este...

Fabiola García destaca a calidade asistencial das casas niño, nas que este ano iniciarán o curso 400 nenas e nenos de toda Galicia

0

A última orde deste programa permitirá a posta en marcha de 13 novos centros en concellos de Galicia sen ningún servizo de conciliación

A conselleira de Política Social, Fabiola García, destacou a calidade asistencial das casas niño, unha iniciativa posta en marcha pola Xunta en 2016 e que este curso acollerá xa un total de 400 nenas e nenos de toda Galicia. Así o manifestou durante unha visita ao centro infantil do concello ourensán de Lobios na que estivo acompañada do delegado territorial da Xunta en Ourense, Gabriel Alén Castro, e da alcaldesa da localidade, María del Carmen Yáñez.

A conselleira sinalou que estes centros puideron iniciar este curso escolar con todas as garantías gracias ao esforzo das súas responsables e á axuda do Goberno galego. Neste sentido, asegurou que as familias poden estar tranquilas porque a calidade dos coidados mantense impecable, tal e como acontecía antes da pandemia, ao contar con profesionais formados e instalacións perfectamente acondicionadas.

Fabiola García lembrou que a Xunta segue a apostar por estes servizos de conciliación totalmente gratuítos para as familias por teren demostrado ser un recurso moi valorado desde a súa implantación. Mostra diso é que o Goberno galego lanzou unha orde que permite chegar ao 100% dos concellos galegos que carecen de centros de conciliación, e que vén de autorizar a posta en marcha de 13 novos centros que se sumarán aos 68 xa en funcionamento.  

Dejar una respuesta

Please enter your comment!
Nombre