Inicio Galicia Ethel Vázquez avanza que a próxima primavera os veciños de Castrelo de...

Ethel Vázquez avanza que a próxima primavera os veciños de Castrelo de Miño e Ribadavia disporán dunha ponte sobre o Miño con imaxe renovada, cun investimento de 726.000 euros

0

Vázquez Mourelle sinala que o acondicionamento da ponte metálica respectará a súa configuración inicial e asegura e garante a súa conservación e durabilidade

A conselleira de Infraestruturas e Mobilidade, Ethel Vázquez, avanzou hoxe que a próxima primavera os veciños de Castrelo de Miño e de Ribadavia poderán desfrutar dunha ponte sobre o río Miño, que lucirá unha imaxe renovada logo dun investimento da Xunta de 726.000 euros.

Vázquez Mourelle, acompañada pola delegada territorial da Xunta en Ourense, Marisol Díaz, quixo comprobar a pé de obra os traballos de rehabilitación que está a realizar a Xunta nesta infraestrutura singular de comezos do século XX, a ponte metálica que salva o río Miño e que comunica os concellos de Castrelo de Miño e Ribadavia.

Tal e como explicou, esta intervención, executada ao 25 %, ten como obxectivo o acondicionamento e renovación da ponte mantendo a súa configuración inicial, asegurando a súa conservación e garantindo a súa durabilidade.

As obras nesta ponte, que quedou pechada ao tráfico rodado cando o departamento de Infraestruturas da Xunta construíu o novo viaduto sobre o Miño, se iniciaron a finais de setembro e teñen un prazo de execución de 6 meses.

Leer más:  Yolanda Díaz cree que las elecciones catalanas deben servir para "pasar página y caminar de forma diferente"

E, segundo subliñou, unha vez rematados os traballos, permitirá o transito a pé entre os dous municipios dunha forma máis cómoda e segura, así como a circulación de vehículos de menos de 20 toneladas.

Referiu que para conservar e preservar nas mellores condicións a ponte de Castrelo de Miño a rehabilitación que se están a levar a cabo inclúe melloras na estrutura metálica, nas bóvedas de pedra e tamén nos treitos da estrada de acceso á ponte. Concretou que na intervención levaranse a cabo traballos de limpeza da estrutura, que son os que se están a facer xa nestes momentos na parte dos estribos, e tamén se repararán e reconstruirán os petrís e os elementos da fábrica que estean deteriorados.

Indicou que na parte metálica, logo da súa limpeza, procederase a darlle protección contra a oxidación, que é o que se está a facer agora na parte superior, antes do pintado definitivo. E tamén se actuará sobre o firme a mellorarase a drenaxe, de cara a incrementar a durabilidade da ponte. Ademais, engadiu, colocarase varanda nos paseos laterais, para favorecer o paso peonil en condicións de maior seguridade.

Leer más:  Díaz alaba el Encaixe de Camariñas, ejemplo de "cultura" y "trabajo" hecho por mujeres que pone a Galicia "en el mundo"

Ethel Vázquez explicou que esta actuación forma parte da aposta que vén realizando o departamento de Infraestruturas da Xunta por manter nas mellores condicións as infraestruturas viarias de titularidade autonómica, algo prioritario porque se está a falar de seguridade viaria, da vida e da integridade das persoas.

Sinalou que estas obras se enmarcan, máis concretamente, no programa específico de seguridade e inspeccións de pontes e obras de paso que ten en marcha o departamento que dirixe, e a través das actuación de inspeccións periódicas e constantes que se realizan en todas as estruturas da rede de estradas de titularidade da Xunta.

Abundou en que este programa específico co que a Xunta supervisa de forma permanente o estado de viadutos e obras de paso permiten manter actualizada a información sobre o seu estado de conservación, e promover as actuacións preventivas necesarias para anticiparse a problemas futuros.

En definitiva, incidiu nun control permanente e actuacións de mantemento preventivo por parte da Xunta para garantir a seguridade dos usuarios e tamén de cara a incrementar a durabilidade destas infraestruturas.

Leer más:  Procesiones suspendidas este Jueves Santo por el temporal, con rachas que superan los 120 km/h

Precisamente, concluíu, o que se está a facer nesta ponte sobre o Miño con esta rehabilitación integral para prolongar a súa vida útil e para conservar e poñer en valor o que xa é un elemento representativo do patrimonio e da historia de Castrelo de Miño e de Ribadavia.


- Te recomendamos -