Inicio Galicia Conde destaca que Vigo necesita dos seus emprendedores para abordar a transformación...

Conde destaca que Vigo necesita dos seus emprendedores para abordar a transformación económica e social

0

O vicepresidente económico e conselleiro de Economía, Empresa e Innovación, Francisco Conde, lembra na XV Entrega de Premios de AJE Vigo subliña o paso adiante dado hoxe no Consello da Xunta, onde se avaliou a futura Lei de reactivación

O vicepresidente económico e conselleiro de Economía, Empresa e Innovación, Francisco Conde, sinalou hoxe na XV Entrega de Premios de AJE Vigo que esta cidade –ao igual que Galicia– necesita dos seus emprendedores para abordar a transformación económica e social que se quere levar a cabo. Neste sentido, indicou que os fondos europeos Next Generation deben supoñer unha oportunidade para deseñar a Galicia do futuro.

Conde, que defendeu que os emprendedores son o verdadeiro motor da economía galega, fixo fincapé en que a Xunta busca acompañar a recuperación da economía, tanto co Plan de reactivación, co que se están a mobilizar máis de 3000 millóns de euros, como con iniciativas como o Plan de rescate para persoas autónomas e microempresas. Ademais, subliñou o paso adiante dado hoxe no Consello da Xunta, onde se avaliou a Lei de reactivación de Galicia.

Tal e como apuntou o responsable de Economía, Empresa e Innovación, este novo marco normativo terá como obxectivo crear un entorno favorable para que a economía de Galicia poida saír fortalecida desta crise. Así, facilitarase o investimento con menos burocracia e menos barreiras para a iniciativa empresarial, con máis axilidade administrativa, máis incentivos fiscais, e máis facilidades de acceso ao solo industrial. Baixo estas premisas, a Lei de reactivación económica ofrecerá vantaxes para proxectos estratéxicos e iniciativas empresariais prioritarias; e outorgará beneficios fiscais e outros apoios para favorecer a reactivación tras a pandemia.

Conde, que apuntou que o emprendemento é o xerme da recuperación económica e do progreso, sinalou que a pesar das dificultades, día a día xorden novas ideas de negocio. De feito, nos dez primeiros meses deste ano puxéronse en marcha na comarca de Vigo preto de dúas empresas ao día.  

Dejar una respuesta

Please enter your comment!
Nombre