Inicio Galicia Conde avoga por impulsar a formación para mellorar a competitividade da industria...

Conde avoga por impulsar a formación para mellorar a competitividade da industria forestal galega

0

O conselleiro de Economía, Emprego e Industria, Francisco Conde, visitou esta mañá, nas instalacións da Axencia Galega da Industria Forestal (Xera) en Santiago, os cursos que se están impartindo con simuladores

O conselleiro de Economía, Emprego e Industria, Francisco Conde, visitou esta mañá as instalacións da Axencia Galega da Industria Forestal (Xera) e coñeceu de preto o traballo que se está realizando con simuladores para preparar aos futuros formadores. Conde subliñou a importancia de apostar pola formación para impulsar a competitividade da industria forestal galega -un sector que supón o 12% do emprego industrial da Comunidade-.

En concreto, estanse a impartir cursos para o manexo de procesadora e autocargador a través dun simulador que conta cos mesmos programas que unha máquina forestal, polo que a formación ofrecida permite aos alumnos coñecer o modo de axustar a configuración e utilizar o sistema de medición, o que axuda a sentar as bases do coñecemento deste tipo de maquinaria. Entre as principais vantaxes destacan a recreación de situacións reais de traballo, a creación de diferentes interfaces para cada usuario, a posibilidade de ver a evolución de cada alumno, así como obter información da eficiencia na formación.

O conselleiro lembrou que Xera conta cunha estratexia formativa para promover o coñecemento e a innovación no eido da industria forestal. En concreto, búscase apoiar accións formativas adaptadas á industria a través da colaboración público-privada, formar profesionais cualificados, desenvolver competencias relacionadas coas novas tecnoloxías e a innovación e promover a transferencia de coñecemento á industria.

A Xunta avoga tamén por impulsar a industria forestal galega liderando proxectos e iniciativas relacionadas con sectores emerxentes como o contract e coa bioeconomía, xa que permite xerar emprego e cohesionar o territorio á vez que apoia a biodiversidade.

Dejar una respuesta

Please enter your comment!
Nombre