Inicio Galicia As escolas infantís privadas poden solicitar desde mañá axudas para implantar a...

As escolas infantís privadas poden solicitar desde mañá axudas para implantar a gratuidade para segundos fillos e sucesivos

0

Aínda que os prazos administrativos están suspendidos pola situación actual, a orde publícase para dar seguridade e tranquilidade a todas as escolas infantís


O Diario Oficial de Galicia (DOG) publica hoxe a orde que regula implantación da gratuidade para segundos fillos e sucesivos nas escolas infantís de 0 a 3 anos xestionadas por entidades privadas. Esta medida, que terá vixencia a partir do 1 de abril, terá un montante total de 6,5 millóns de euros, que será ampliable no caso de que sexa necesario.

Aínda que os prazos administrativos están suspendidos pola situación actual, a orde publícase para dar seguridade e tranquilidade a todas as escolas infantís. Todos os centros poderán implantar a gratuidade a partir do 1 de abril. Para iso, teñen dispoñible un formulario na sede electrónica da Xunta de Galicia e as solicitudes que se vaian recibindo irán tramitándose.

Poderanse acoller a esta medida as preto das 200 escolas infantís privadas de Galicia. Estímase que a gratuidade nestas escolas infantís beneficiará a arredor de 5000 familias, que non terán que facer ningunha xestión. A Xunta de Galicia financiará o 100% da mensualidade que se estaba a cobrar pola atención educativa, ata un máximo de 260 euros por cada praza a xornada completa. Ademais, tamén se bonificará o 100% do custe da matrícula para o curso 2020/21, ata un máximo de 200 euros.

Para facilitar o funcionamento económico das escolas, vaise conceder un anticipo do 90% da cantidade que lles corresponda, que se fará efectivo a partir de que se lles notifique a axuda. Trátase, ademais, dunha orde de axudas de concorrencia non competitiva, polo que se beneficiarán dela todos aqueles centros que cumpran coas condiciones que esta fixa.

Dejar una respuesta

Please enter your comment!
Nombre