Inicio Galicia Activo un incendio forestal no concello coruñés da Pobra do Caramiñal, parroquia...

Activo un incendio forestal no concello coruñés da Pobra do Caramiñal, parroquia de Lesón

0

Segundo as últimas estimacións, afecta unha superficie superior ás 20 hectáreas 

A Consellería do Medio Rural informa dun lume activo no concello da Pobra do Caramiñal, parroquia de Lesón. O incendio comezou ás 03,38 h. desta madrugada, polo que todo indica que foi intencionado, e permanece activo arestora.

Segundo as últimas estimacións, o lume afecta unha superficie superior ás 20 hectáreas. No seu control levan traballado 5 axentes, 6 brigadas, 5 motobombas e 1 pa. Está previsto que á maior brevidade se incorporen tamén aos labores de extinción medios aéreos.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085. 

Dejar una respuesta

Please enter your comment!
Nombre