Inicio Galicia A Xunta trasládalle ao Ministerio a petición para que a mobilidade en...

A Xunta trasládalle ao Ministerio a petición para que a mobilidade en toda a comunidade autónoma se inclúa na orde ministerial do paso a Fase III

0

Os datos epidemiolóxicos reflicten en Galicia unha incidencia acumulada do 0,41 por cada 100.000 habitantes fronte ao 4,84 no conxunto de España

Despois da reunión hoxe do Consejo Interterritorial do Sistema Nacional de Salud (CISNS), a Xunta de Galicia ven de trasladarlle ao Ministerio a solicitude formal para que a orde ministerial do BOE que vai recoller mañá o paso de Galicia á Fase III reflicta a autorización para facilitar a mobilidade en toda a Comunidade Autónoma a partir do vindeiro luns día 8.

O Goberno galego reitera así formalmente a petición que xa fora formulada polo presidente da Xunta, Alberto Núñez Feijóo na Conferencia de Presidentes, e polo conselleiro de Sanidade, Jesús Vázquez Almuiña, no CISNS no momento no que se solicitou o paso á Fase III.

O conselleiro de Sanidade dirixiuse por carta ao ministro Salvador Illa fundamentando a solicitude de mobilidade en toda a Comunidade Autónoma nos datos epidemiolóxicos que avalan que en Galicia a Incidencia acumulada nos últimos siete días é de 0,41 casos diagnosticados por cada 100.000 habitantes, fronte aos 4,84 casos por cada 100.000 habitantes no indicador do conxunto de España.

A Xunta considera que a boa situación epidemiolóxica permite avanzar na mobilidade que se solicita de novo formalmente ao Goberno central e que permitirá mellorar á Comunidade desde o punto de vista socioeconómico.

Dejar una respuesta

Please enter your comment!
Nombre