Inicio Galicia A Xunta recibe 26 ofertas para executar 3 colectores e un pozo...

A Xunta recibe 26 ofertas para executar 3 colectores e un pozo de bombeo en Orto e Crendes, en Abegondo, cun investimento de preto de 912.000 euros

0

A nova rede de saneamento permitirá captar as augas e incorporará, debido á orografía do terreo, un sistema de impulsión que permita desembocar as augas residuais na rede xa instalada e de aí á depuradora de Beldoña

A Consellería de Infraestruturas e Mobilidade vén de recibir 26 ofertas para executar 3 colectores e un pozo de bombeo en Orto e Crendes, no concello de Abegondo.

Esta actuación, cun investimento de 911.560 euros, terá un prazo de execución de cinco meses.

A intervención enmárcase no convenio de colaboración co Concello de Abegondo, polo que a Xunta financia o 83 % do orzamento deste proxecto e o restante correspóndelle á entidade local.

Os traballos teñen como obxectivo a creación dunha nova rede de saneamento que permita a captación das augas e que incorporará, debido á orografía do terreo, un sistema de impulsión das augas residuais que desembocará na rede de saneamento instalada con anterioridade, e desde aí á estación depuradora de Beldoña.

Esta nova intervención inclúe así a execución de 3 conducións principais, complementadas con un pozo de bombeo, coa súa impulsión. O pozo de bombeo constará de 4 m3 de capacidade útil e estará equipado con dúas bombas cunha capacidade total de 4,34 l/s.

Trátase dunha parte dun proxecto máis amplo que cando estea executado na súa totalidade permitirá completar integramente o saneamento das parroquias de Orto e Crendes.

Estas obras hidráulicas darán continuidade ás xa rematadas en 2019, nunha primeira fase, nestes núcleos de Abegondo, mediante a achega dun orzamento autonómico de 220.000 euros.

Os traballos xa acometidos consistiron na instalación de cinco colectores por gravidade, cun total de 4.200 metros de lonxitude, dúas impulsións de 1.939 e 1.479 metros respectivamente e dous pozos de bombeo.

O obxectivo destas actuacións é dotar estas parroquias dun sistema de saneamento e depuración que responda ás necesidades da poboación. Así, o proxecto no seu conxunto dará servizo a preto de 1.500 habitantes desta contorna para o ano 2042. 

Dejar una respuesta

Please enter your comment!
Nombre