Inicio Galicia A Xunta ofrecerá axudas ao sector turístico pero solicita a implicación das...

A Xunta ofrecerá axudas ao sector turístico pero solicita a implicación das restantes Administracións

0
image_gallery.jpg

O vicepresidente primeiro e conselleiro de Presidencia, Xustiza e Turismo, Alfonso Rueda, mantivo esta mañá unha reunión cos representantes do Clúster de Turismo


O vicepresidente primeiro e conselleiro de Presidencia, Xustiza e Turismo, Alfonso Rueda, avanzou hoxe que a Xunta ofrecerá axudas ao sector turístico, un dos que esta sendo mais afectado pola pandemia, pero solicitou a necesaria implicación de todas as Administracións.

Alfonso Rueda mantivo esta mañá unha reunión cos representantes do Clúster de Turismo, cos que o titular da Vicepresidencia primeira se vén reunindo de maneira regular para coñecer de primeira man as súas inquedanzas e necesidades nestes momentos. A día de hoxe, segundo indicou o vicepresidente primeiro, a situación non é doada e agradeceu a responsabilidade de todo o sector.

Ao respecto, reafirmou o apoio do Goberno galego ao sector turístico que está sendo especialmente afectado pola crise sanitaria. Lembrou, así, que Galicia puxo en marcha, entre outras iniciativas, o programa ‘Galicia destino seguro’, dotado con 8 millóns de euros, e que incluíu unha batería de medidas de apoio a estes negocios para adaptarse a esta nova situación.

Rueda destacou que cómpre recordar que as medidas tomadas na nosa comunidade dende o pasado venres son restricións sanitarias, en zonas concretas acordadas dentro do comité clínico, que teñen como única finalidade preservar a saúde de todos os galegos e galegas.

O vicepresidente primeiro e o sector turístico reclamaron a axuda do Goberno central para a redución do IVE turístico ao 4% e o mantemento dos Ertes. Ademais, reclamaron a bonificación de diversas taxas municipais por parte dos concellos galegos, tal e como vén tamén reclamando o sector dende fai tempo.

Finalmente, Alfonso Rueda indicou que “entre todos debemos intentar acadar un horizonte, garantindo a saúde, aínda que sexa aceptando agora medidas duras que farán que nuns meses poidamos manter a actividade turística, e que Galicia sega sendo un destino seguro”A directora xeral de Relacións Laborais, Elena Mancha, indicou que a Consellería de Emprego e Igualdade está preparada para atender de xeito áxil as solicitudes de Expedientes de Regulación Temporal de Emprego (ERTE) que cheguen do sector hostaleiro. Explicou que os negocios de hostalería poden acollerse, en virtude das súas circunstancias, aos ERTE por impedimento ou por limitación previstos polo Real Decreto Ley 30/2020, de medidas sociais en defensa do emprego, aprobado polo Goberno central.

No caso de que a súa rendibilidade dependa dos grupos de clientes non convivintes de forma esencial, especificou, teñen a posibilidade de aplicar exencións nas cotas da Seguridade Social do 100% por medio dos ERTE por impedimento. Se non existe esa dependencia, pero o establecemento perde parte do seu negocio, os propietarios poden solicitar un ERTE por limitacións, “o que dará lugar a unha exoneración das cotas da Seguridade Social do 100 % no mes de outubro, 90% en novembro, 85% en decembro e 80% en xaneiro 2021”, especificou.

Mancha lembrou que a Consellería de Emprego e Igualdade está a traballar nos axustes do plan de axudas a microempresas, cara a contemplar as súas necesidades “coa previsión de que nunhas semanas se faga a publicación no DOG” e se poidan solicitar por un sistema “moi sinxelo” coa documentación mínima que axilice o procedemento.

Dejar una respuesta

Please enter your comment!
Nombre