Inicio Galicia A Xunta lembra que a prevención garante maior seguridade e unha capacidade...

A Xunta lembra que a prevención garante maior seguridade e unha capacidade de resposta máis adecuada, eficiente e eficaz

0

O director xeral de Emerxencias e Interior, Luis Menor participou na clausura das Xornadas “Previsel 2018”, que como indicou constitúen un referente para o intercambio de experiencias e coñecementos en materia de prevención e formación

O director xeral de Emerxencias e Interior, Luis Menor fixo especial fincapé que a prevención é o medio para garantir a seguridade dos cidadáns e responder de modo adecuado, eficiente e eficaz, en caso de riscos colectivos.

Luis Menor participou na clausura das Xornadas “Previsel 2018” que, como indicou constitúen un referente para o intercambio de experiencias e coñecementos en materia de prevención e formación. Ademais da presentación de produtos e servizos nas casetas, os talleres, conferencias e demostracións, proporcionan unha visión global da xestión e prevención dos riscos laborais.

A Axencia Galega de Emerxencias, AXEGA, desprazou ata a feira o seu Posto de Mando Avanzado, unha Unidade móbil que conta coa máis moderna tecnoloxía e cun completo software de comunicacións, preparada para intervir en caso de accidente ou catástrofe.

O director xeral indicou que moitas das políticas desenvolvidas polas Administracións Públicas, dado que poden afectar ou condicionar a seguridade das persoas ou os bens, teñen obxectivos preventivos. A planificación, incluídos os plans de autoproteción, a formación do persoal pertencente ao sistema de protección civil e o fomento da autoprotección e primeiros auxilios na escola, son instrumentos de prevención de carácter horizontal que o goberno galego promove e fomenta.

Leer más:  Igualdad investigará el uso de fondos contra la violencia machista en una cena "para mujeres" convocada en Pontevedra

Neste sentido, acometeuse un traballo de revisión dos plans de protección civil autonómicos, por exemplo os redactados para o risco de inundacións, o risco sísmico e o risco no transporte de mercadorías perigosas, entre outros, poñéndoos a proba mediante os simulacros periódicos, e fomentouse a elaboración dos plans de emerxencia de carácter local, ben a través de axudas económicas para a asistencia técnica na súa elaboración, ben a través das guías de planificación que están a disposición dos técnicos municipais como orientación para facilitar ás corporacións locais a elaboración dos plans de emerxencia do seu ámbito. 


- Te recomendamos -