Inicio Galicia A Xunta investiu preto de 3 millóns de euros no concello de...

A Xunta investiu preto de 3 millóns de euros no concello de Abadín a través de varias ordes de axudas

0

O vicepresidente da Xunta, Alfonso Rueda, destacou a importancia da colaboración entre a administración autonómica e a local con actuacións que redunden directamente no benestar dos cidadáns

O vicepresidente da Xunta de Galicia, Alfonso Rueda, visitou esta mañá o concello lucense de Abadín, que grazas a varias ordes de axudas da Vicepresidencia recibiu nos últimos anos preto de 3 millóns de euros, sendo un exemplo de que a colaboración entre a Administración autonómica e a local redunda positivamente con actuacións que reverten no benestar dos seus cidadáns.

Alfonso Rueda, acompañado polo alcalde de Abadín, José María López Rancaño comprobou as obras de acondicionamento de accesos a espazos medioambbientais en varias parroquias do concello, concretamente en Vilarente, Graña e Corvite.

Grazas a estas axudas, o concello de Abadín nos últimos anos puido rehabilitar un edificio para centro de interpretación da natureza, arranxar numerosos viais para unha mellor prevención de incendios, elaborar rutas de sendeirismo e adquirir un tractor para a conservación da biodiversidade, ademais de levar a cabo melloras nas infraestruturas e instalacións no concello.

O Fondo de Compensación Ambiental, unha iniciativa posta en marcha no ano 2010 e que permitiu que por vez primeira os concellos galegos puideran beneficiarse directamente da explotacións eólicas, posto que as actuacións que se realizan son financiadas a través do canon eólico.

A Xunta continúa así a desenvolver medidas para potenciar e apoiar a prestación de servizos por parte dos nosos concellos, como Administración máis próxima aos administrados, converténdoos en motores do desenvolvemento económico rexional, co obxectivo último de garantir un equilibrio no territorio galego entre o medio rural e urbano, o interior e a costa que permita o desenvolvemento económico da totalidade do territorio.

Este ano, o orzamento do Fondo de Compensación Ambiental, así como da Orde de Infraestruturas -tamén dirixida a concellos-, supera entre ambas os 13 millóns de euros.  

Dejar una respuesta

Please enter your comment!
Nombre