Inicio Galicia A Xunta inaugura o obradoiro de emprego Mos coa Mocidade II ...

A Xunta inaugura o obradoiro de emprego Mos coa Mocidade II no que se formarán 16 menores de 30 anos os vindeiros 6 meses

0

A Administración autonómica destina a este taller, especializado en tecnoloxía web e mobiliario de madeira en espazos públicos, máis de 154.000 euros


O delegado da Xunta en Vigo, Ignacio López-Chaves, achegouse hoxe ata a Axencia de Colocación de Mos para felicitar aos alumnos que inician a súa formación no “Mos coa Mocidade II”, o obradoiro de emprego promovido pola Consellería de Economía, Emprego e Industria en colaboración co Concello mosense. O representante autonómico, quen estivo acompañado pola alcaldesa, Nidia Arévalo, puxo en valor o ambicioso obxectivo da carteira autonómica cunha nova programación de obradoiros, 105 na convocatoria 2018-2019, que busca impulsar a empregabilidade de 2000 persoas en Galicia, incrementando nun 25% os fondos destinados a este programa. Tamén acudiu ao acto o xefe territorial da Consellería de Economía, Emprego e Industria, Ignacio Rial.

López-Chaves, quen animou ao alumnado destes talleres a “aproveitar ao máximo a oportunidade que se lles brinda e formarse para acceder a un posto de traballo”, fixo especial fincapé no esforzo inversor do Goberno galego a prol do fomento do emprego con 135 millóns de inversión en medidas centradas na orientación e na cualificación para favorecer o acceso dos galegos e galegas ao mercado laboral.

Leer más:  El temporal deja este viernes en Galicia más de 400 incidencias

En canto aos talleres para menores de 30 anos sinalou que o obxectivo é o de “seguir impulsando o emprego entre a mocidade, un colectivo prioritario para a Administración autonómica”. Así, subliñou que dos oito proxectos de Garantía Xuvenil que impulsa a Consellería de Economía, Emprego e Industria na provincia de Pontevedra seis corresponden á área de Vigo.

En concreto, son beneficiarios desta iniciativa xunto con Mos, Vigo (Formaweb e Maiv-Garantía Xuvenil), Redondela (Redempreg@), Moaña (Moaña Moza) e O Porriño (Porriño Social). O número de alumnos é de 16 en todos os casos e a duración da formación e emprego de 6 meses. A Xunta destina a estes obradoiros máis dun millón de euros.

Respecto ao Mos coa Mocidade II, a Administración autonómica destina a este taller, no que se formarán 16 alumnos en tecnoloxía web e mobiliario de madeira en espazos públicos, máis de 154.000 euros. Entre as propostas, figuran a mellora do mobiliario urbano do municipio e das instalacións da gardería municipal, así como o desenvolvemento da aplicación web do Concello.

Leer más:  Procesiones suspendidas este Jueves Santo por el temporal, con rachas que superan los 120 km/h

Obradoiros duaisAsemade, o delegado da Xunta apuntou aos máis de 2 millóns de euros que a Consellería de Economía Emprego e Industria destina aos obradoiros duais na área territorial, neste caso en colaboración cos concellos de Vigo, Gondomar, Baiona, Nigrán, Redondela, Mos, Soutomaior, Pazos de Borbén, Cangas e Moaña. Unha oportunidade, afirmou, para que os seus 140 beneficiarios vexan incrementadas as oportunidades laborais. En total poranse en marcha 7 obradoiros duais a través dos que o alumnado contará cun período de formación de nove meses e a posibilidade, segundo sexa o caso, de contar cun contrato laboral posterior de alomenos outros 3 meses.

Ata o de agora, os obradoiros de emprego ofrecían ás persoas sen traballo cualificación e un contrato de aprendizaxe durante 9 meses. Agora, ademais, a Xunta apoiará a contratación, como mínimo de 3 meses e a xornada completa, nunha empresa, onde os alumnos e alumnas do obradoiro poderán realizar as súas prácticas. A actuación do Goberno galego combina, polo tanto, a formación co desenvolvemento dun traballo efectivo, xa que as persoas beneficiarias disporán dun contrato de traballo e percibirán un salario durante a súa participación nesta actividade.

Leer más:  Cierran la Playa de As Catedrais este jueves por el fuerte temporal

Outra das novidades desta convocatoria de axudas é que puideron concorrer ás mesmas non só os concellos (entre os que se deu prioridade aos concellos emprendedores como Redondela e Mos no caso da área de Vigo), asociacións de entidades locais e mancomunidades, senón tamén entidades sen ánimo de lucro do sector forestal constituídas e rexistradas como asociacións. Así mesmo, a través da participación neste programa, os alumnos e alumnas seguirán recibindo, ao remate da formación, un certificado de profesionalidade con validez en todo o Estado.  


- Te recomendamos -