Inicio Galicia A Xunta expresa a súa mais enérxica condena e repulsa ante o...

A Xunta expresa a súa mais enérxica condena e repulsa ante o asasinato dunha muller no concello lucense de A Pastoriza

0

O Goberno galego recorda que as vítimas teñen á súa disposición o teléfono da muller 900400273 ou o 016, gratuíto e confidencial 

Santiago de Compostela, 26 de xaneiro de 2020.- A Xunta de Galicia expresa a súa máis enérxica condena ao asasinato dunha muller no concello de A Pastoriza (Lugo), que se está investigando como un posible delito de violencia de xénero.

O Goberno galego manifesta a súa consternación ante este crime e, á espera de que a investigación confirme se é un caso de violencia de xénero, fai un chamamento a toda a sociedade para que se rebele contra esta repudiable lacra.

Así mesmo, a Xunta anima ás persoas que estean sendo vítimas de malos tratos a denunciar para que así se lles poidan prestar as axudas necesarias para rachar coa situación de violencia na que están inmersas. Teñen a súa disposición un amplo abano de medidas: protección policial, axudas económicas, asesoramento e información, apoio psicolóxico ou a rede de casas de acollida.

Nese sentido, hai que lembrar que as vítimas de violencia de xénero tamén poden acudir ao teléfono da muller 900400273 ou o 016, un servizo gratuíto que garante a confidencialidade, xa que non queda pegada na factura telefónica. 

Dejar una respuesta

Please enter your comment!
Nombre