Inicio Galicia A Xunta executa traballos de conservación e limpeza nos treitos interurbanos do...

A Xunta executa traballos de conservación e limpeza nos treitos interurbanos do río Xunco, no concello de Cervo

0

Os traballos desenvólvense nun tramo do río de 380 metros, na parroquia de Rúa


A Consellería de Infraestruturas e Mobilidade, a través de Augas de Galicia, está a desenvolver traballos de conservación e limpeza nos treitos interurbanos do río Xunco, no concello de Cervo.

Estas tarefas estanse a levar a cabo nun tramo do río de 380 metros, na parroquia de Rúa (Santa María).

As actuacións céntranse na roza selectiva e poda puntual, na marxe dereita do río, entre o corpo da presa e a cola do encoro de Rúa, para que haxa un sendeiro libre de vexetación para inspección e toma de mostras. Tamén se inclúen os traballos de retirada de árbores caídas e madeira morta acumulada na canle do río. Estas accións enmárcanse no programa de mantemento, conservación e mellora que realiza Augas de Galicia no dominio público hidráulico das bacías de Galicia-Costa, no ámbito territorial da zona Galicia-norte.

A Consellería de Infraestruturas e Mobilidade mantén activas as actuacións para a mellora dos leitos fluviais e para favorecer as condicións naturais do ecosistema dos ríos. 

Dejar una respuesta

Please enter your comment!
Nombre