A directora xeral de Avaliación e Reforma Administrativa e secretaria xeral da Igualdade por delegación, Natalia Prieto, reuniuse hoxe por videoconferencia con representantes da organización
A Xunta aposta polo apoio ás mulleres en situación de especial vulnerabilidade coa convocatoria anual de axudas a entidades de iniciativa social para levar a cabo programas dirixidos a estas mulleres que permitan dotalas dunha maior autonomÃa e mellorar a súa situación laboral, social e persoal.
A convocatoria deste ano conta cun orzamento de 1,4 millóns de euros cofinanciados polo Fondo Social Europeo e unha das organizacións beneficiarias foi a Asociación de Mulleres en Igualdade de Vigo, que recibiu unha dotación de 30.275 euros para executar o proxecto “Violencia de xénero, unha realidade oculta”.
A directora xeral de Avaliación e Reforma Administrativa e secretaria xeral da Igualdade por delegación, Natalia Prieto, reuniuse esta mañá por videoconferencia coa presidenta da organización, Patricia López e a secretaria, LucÃa MÃguez, co obxectivo de avaliar o desenvolvemento desta iniciativa. No encontro tamén participou a subdirectora xeral para o Tratamento da Violencia de Xénero, Belén Liste.
A través deste proxecto, a asociación organiza charlas de concienciación sobre violencia de xénero en concellos da provincia de Pontevedra, en especial nas áreas rurais debido á maior incidencia neste ámbito e onde se require unha maior visibilización.
Ademais destas actividades informativas, o programa tamén inclúe outros recursos integrais de atención personalizada e especializada financiados ao abeiro das axudas da Xunta como asesoramento xurÃdico, servizos de orientación laboral e actividades para mellorar a empregabilidade das mulleres do rural da área pontevedresa.
O Goberno galego vén apoiando nos últimos anos a actividade da Asociación de Mulleres en Igualdade de Vigo cun investimento que ascende a máis de 64.200 euros.
