Inicio Galicia A Xunta destaca a Feira do Moble de Galicia como un referente...

A Xunta destaca a Feira do Moble de Galicia como un referente no impulso ao sector

0

A directora xeral de Comercio e Consumo, Sol Vázquez, participou hoxe na Estrada na presentación da 33ª edición, que se celebrará do 18 ao 22 de setembro


A directora xeral de Comercio e Consumo, Sol Vázquez, participou esta mañá na Estrada na presentación da 33ª edición da Feira do Moble de Galicia, que se celebrará do 18 ao 22 de setembro no recinto feiral do concello pontevedrés. No acto, a directora xeral destacou o papel desta iniciativa, que conta co apoio da Xunta, como un referente nos encontros feirais que se celebran en Galicia, destacando que contribúe a impulsar e dinamizar o sector comercial e da industria forestal na Comunidade.

A Feira do Moble de Galicia, que na anterior edición contou con 12.000 visitantes, conta con máis de 60 expositores cunha ampla variedade de estilos, centrados tanto no mobiliario como na decoración, o interiorismo, a iluminación e os agasallos e complementos.

Ademais, o encontro, que abrirá en horario de 11 a 20 horas, ofrece diferentes actividades e exposicións paralelas, como a do Camiño de Santiago debuxado, unha mostra de bonsais, outra de reciclaxe e unha de vehículos de ocasión. Ademais, os visitantes poden participar en diferentes sorteos.

Dejar una respuesta

Please enter your comment!
Nombre