Inicio Galicia A Xunta defende que o cooperativismo é un motor económico de Galicia...

A Xunta defende que o cooperativismo é un motor económico de Galicia ao dar a máxima prioridade ás persoas e promover o traballo inclusivo

0

O conselleiro de Economía, Emprego e Industria, Francisco Conde, participou hoxe en Cambre (A Coruña), na sede de Vangarda, na celebración do Día do Cooperativismo


O conselleiro de Economía, Emprego e Industria, Francisco Conde, destacou hoxe en Cambre (A Coruña) -na celebración do Día do Cooperativismo- que esta fórmula empresarial é un motor económico de Galicia, resaltando os valores principais que promove: dá a máxima prioridade ás persoas, fomenta o traballo inclusivo, a responsabilidade social e mantén o respecto polo medio ambiente. Así, Conde indicou que o cooperativismo e, por extensión, o modelo da economía social van ter un papel decisivo na reactivación.

A celebración do Día do Cooperativismo galego tivo lugar na sede de Vangarda e centrouse no desenvolvemento do encontro Conversas cooperativas: respostas a novos desafíos, que se puido seguir en directo, a través dos canles Facebook e Youtube da rede Eusumo.

No acto participaron representantes de cinco cooperativas galegas: o presidente de Vangarda, Juan Jesús Delgado; a vicepresidenta de Árbore, Elena Taboada; a presidenta de Guillelme Brown, Ana Otero; a presidenta de Agroflor, Josefa Manivesa; e o presidente de Codeira, Iván García. A conversa estivo moderada pola presidenta da Unión de Cooperativas Espazocoop, Ana Olveira.

O encontro tivo como obxectivo principal escoitar as iniciativas das persoas comprometidas coa economía social e o cooperativismo, coñecer as súas experiencias, así como intercambiar impresións. Ademais, as fórmulas das cooperativas e da economía social para alcanzar e apoiar os Obxectivos de Desenvolvemento Sostible estiveron no centro da conversa.

Conde lembrou, así mesmo, que en Galicia a economía social xera o 7% do PIB a través de preto de 5.000 entidades e 100.000 persoas vinculadas a elas, das que 42.104 están vinculadas ao cooperativismo.

Como peche do acto, o coach internacional Daniel Álvarez, fundador do Instituto Ben Pensante, ofreceu unha intervención de apoio e impulso fronte aos novos desafíos baixo o lema Renacemento. A innovación que emerxe en tempos de cambio.

O Día do Cooperativismo galego súmase á commemoración internacional que promoven a Alianza Cooperativa Internacional (ACI) e as Nacións Unidas desde 1995. Esta edición de 2020 é a 26ª do Día Internacional das Cooperativas.

Dejar una respuesta

Please enter your comment!
Nombre