Inicio Galicia A Xunta crea o grupo de traballo das asociacións de amigos do...

A Xunta crea o grupo de traballo das asociacións de amigos do Camiño de Santiago e fundacións xacobeas en Galicia

0

O conselleiro de Cultura e Turismo, Román Rodríguez, destacou no acto fundacional a “vontade de encontro” para establecer “as mellores canles de diálogo posibles” entre o asociacionismo xacobeo e o Goberno galego


O Museo das Peregrinacións acolleu esta mañá a presentación e sinatura da acta fundacional do grupo de traballo das asociacións de amigos do Camiño de Santiago e fundacións xacobeas en Galicia. Unha sorte de lugar de encontro e mesa de diálogo sobre os Camiños de Santiago asociado á S.

A. de Xestión do Plan Xacobeo e no que están chamadas a participar as asociacións, federacións e fundacións con sede na nosa Comunidade e dedicación exclusiva ou preferente ao Camiño de Santiago e a cultura xacobea.

No acto tomaron parte, ademais do conselleiro, o deán da Catedral de Santiago de Compostela, Segundo Pérez; a comisaria do Xacobeo 2021, Cecilia Pereira; o presidente da Federación Española de Asociaciones de Amigos del Camino de Santiago, Luis Gutiérrez Perrino; o presidente da Federación Galega de Asociacións de Amigos do Camiño de Santiago e da Federación Galega de Asociacións do Camiño de Santiago, Manuel López Vázquez, e o director de Administración e Relacións coas Asociacións de Amigos do Camiño de Santiago, Isaías Calvo de la Uz.

Canle de diálogo e colaboraciónO conselleiro de Cultura e Turismo, Román Rodríguez, destacou o compromiso da Xunta “cun Xacobeo perdurable e un Camiño significativo” e a “vontade de encontro e cooperación institucional arredor do Camiño de Santiago, a peregrinación e a cultura xacobea” que avala o nacemento deste grupo de traballo, co que se pretende establecer unha canle de diálogo e colaboración estable e fluída entre o asociacionismo xacobeo e a Xunta de Galicia.“O establecemento deste grupo de traballo ?explicou o titular de Turismo? permitiranos avanzar nun punto que xa fixamos no Plan Estratéxico do Xacobeo 2021: o recoñecemento, a visibilización e a posta en valor do labor que, desde o tecido asociativo, realizades en prol do Camiño de Santiago.” E concluíu afirmando que o grupo de traballo forma parte da estratexia da Consellería de Cultura e Turismo para “crear un ecosistema xacobeo propicio, preparado para sumar no éxito desta celebración con grandes posibilidades económicas e sociais”.

Obxectivos e estruturaO grupo de traballo terá entre os seus obxectivos principais fomentar o diálogo entre as propias entidades integrantes, e entre estas e a S.

A de Xestión do Plan Xacobeo para a defensa, estudo, preservación e mellora do Camiño de Santiago en Galicia e da cultura xacobea en xeral. Ademais, servirá de foro para dar a coñecer os plans e programas nestes eidos; canalizará as demandas e propostas procedentes do tecido asociativo; e impulsará medidas para unha maior sensibilización social arredor dos valores e relevancia social, cultural e económica do Camiño de Santiago e cultura xacobea. Elaborando, de ser o caso, propostas sobre accións de investigación e divulgación científica e fomentando o traballo en rede.

Reunirase con carácter ordinario polo menos unha vez cada trimestre nas dependencias da S.

A. en Santiago, agás unha vez ao ano, que será noutros lugares de Galicia.

Dejar una respuesta

Please enter your comment!
Nombre