Inicio Galicia A Xunta continúa estudando co concello a viabilidade do parque empresarial de...

A Xunta continúa estudando co concello a viabilidade do parque empresarial de Porto do Son

0

No caso de que se acredite a viabilidade, a Xunta podería encargarse da redacción do plan parcial e da realizacións dos traballos técnicos necesarios para o desenvolvemento do parque

Dende 2018 a Xunta de Galicia estuda, conxuntamente co concello, a viabilidade do parque empresarial de Porto do Son e con tal fin mantiveron hoxe unha reunión o director xeral do IGVS, Heriberto García Porto, e o alcalde de Porto do Son, José Luis Oujo.

O plan sectorial de ordenación de áreas empresariais e o plan xeral de ordenación municipal inclúen un parque empresarial en Porto do Son cuxa viabilidade está a ser estudada conxuntamente entre o IGVS e o concello.

No caso de que o resultado dos traballos acredite que o parque empresarial é viable, o IGVS podería, en aplicación do disposto no artigo 13 da Lei de implantación empresarial, prestar axuda técnica ao concello para o desenvolvemento da actuación.

Dita axuda tería que materializarse nun convenio para que a administración autonómica se encargase de cuestións como a redacción do plan parcial e os traballos técnicos, unha vez acreditada a viabilidade técnica e económica do parque empresarial.

O plan sectorial de ordenación de áreas empresariais de Galicia (PSOAEG) inclúe un parque empresarial en Porto do Son, cunha superficie total de 243.546 metros cadrados. 

Dejar una respuesta

Please enter your comment!
Nombre