Inicio Galicia A Xunta aposta por adoptar un papel activo para defender os intereses...

A Xunta aposta por adoptar un papel activo para defender os intereses de Galicia ante o brexit

0

O vicepresidente da Xunta, Alfonso Rueda, participou hoxe na presentación do informe ‘Análise económica do grao de exposición da economía de Galicia ante o brexit’, realizado polo Consello Económico e Social

O vicepresidente da Xunta, Alfonso Rueda, destacou hoxe a importancia de adoptar un papel activo para facer fronte ás incertezas que xera o brexit e defender os intereses de Galicia e a súa cidadanía, mediante a realización de estudos, análises e seguimento do proceso, así como do desenvolvemento de actuacións e demandas concretas ante distintos foros europeos.

Así o sinalou hoxe durante a presentación do informe Análise económica do grao de exposición da economía de Galicia ante o Brexit. Principais consideracións realizado polo Consello Económico e Social.

A Administración autonómica leva tempo traballando para avaliar os posibles efectos que poida ter a saída do Reino Unido da Unión Europea na economía galega. Entre outras actividades, en 2017 elaborouse un análise do seu impacto, que foi trasladado ao Parlamento; e realizáronse informes específicos das posibles repercusións que poderá ter no sector pesqueiro.

Leer más:  Descubren útiles del Paleolítico en una turbera de una playa de Barreiros (Lugo) tras los temporales del invierno

Ademais, Galicia coordina un grupo de traballo específico dentro da Comisión do Arco Atlántico; vén desenvolvendo un papel moi activo no Comité Europeo das Rexións, organismo que traballa para resaltar a repercusión que podería ter o Brexit en municipios e rexións; asinou un memorando de cooperación co País de Gales para tentar mitigar os seus efectos; e creou o Foro Galego do Brexit, un observatorio para seguir todo este procedemento e as súas posibles consecuencias.


- Te recomendamos -