Inicio Galicia A Xunta ampliará automáticamente os prazos dos trámites online en caso de...

A Xunta ampliará automáticamente os prazos dos trámites online en caso de incidencia na sede electrónica

0

A Administración autonómica envía ao Consello Consultivo o Decreto que regulará esta medida, un dos tres previstos para esta lexislatura no marco da Lei de Administración Dixital de Galicia


A Xunta vén de enviar ao Consello Consultivo o Proxecto de Decreto polo que se regula a ampliación dos prazos de presentación de solicitudes, escritos, comunicacións e documentos na sede electrónica da Xunta no caso de determinadas incidencias técnicas que imposibiliten o seu funcionamento ordinario. É un dos tres decretos que se prevén aprobar esta lexislatura no marco da Lei de Administración Dixital de Galicia (Ledixga), aprobada o pasado mes de xullo, e que busca universalizar o acceso dos galegos ao servizos dixitais.

O Decreto, que entrará en vigor tras a súa publicación no Diario Oficial de Galicia, establece unha ampliación automática de 24 horas hábiles sobre o prazo previsto, en caso de que unha incidencia técnica non programada, impida o funcionamento normal da sede electrónica da Xunta na última hora do prazo estipulado ou durante 3 horas de xeito ininterrompido nas doce horas previas ao remate dese prazo.

Este decreto incrementa as garantías e facilidades para cidadáns e empresas no contexto actual de transformación dixital, no que a xestión online se está a consolidar entre os galegos como a opción maioritaria para relacionarse coa Administración. Entre xaneiro e setembro de 2019 máis do 52% das xestións rexistradas pola Administración autonómica presentáronse online, ben a través da sede electrónica da Xunta, das oficinas virtuais, ou a través o rexistro electrónico.

A sede electrónica permite presentar online máis 1.600 trámites, e esta foi a canle elixida preto de 500.000 galegos, que entre xaneiro e setembro empregaron a sede para realizar as súas xestións coa administración autonómica.

Unha administración máis dixitalO Plan de Goberno e Administración Dixital de Galicia 2020, elaborado pola Amtega, conta cun sistema indicadores para avaliar a evolución de uso e implantación dos diferentes servizos dixitais tanto información de uso por parte de cidadáns e empresas como a nivel interno.

Ademais de constatar o incremento da xestión online dos cidadáns, o sistema indica o aumento no uso de servizos dixitais internos por parte dos empregados públicos. É o caso da Plataforma de interoperabilidade Pasaxe!, que evitou aos galegos presentación de máis de 6 millóns de documentos, que xa obran en poder da Administración. Os empregados públicos poden consultar en Pasaxe ata 72 tipos de documentos, como o DNI, certificados de familia numerosa ou discapacidade, títulos universitarios etc.

As notificacións electrónicas, que o usuario pode recibir no móbil en lugar de en papel a través da caixa de correo, incrementáronse máis dun 62%, pasando de máis de 137.000 en setembro de 2018 a máis de 360.000 no mesmo mes de 2019.

Aínda que se segue asinando en papel o uso da firma dixital continúa a estenderse e nos primeiros nove meses do ano asináronse dixitalmente máis de 2,7 millóns documentos.

Novos Decretos da LedixgaO Decreto que regula a ampliación de prazos é un dos tres que a Administración autonómica prevé a aprobar esta lexislatura, dentro dos obxectivos marcados pola Ledixga. Estase a traballar na elaboración do decreto que regulará o Marco galego de Competencias Dixitais e que permitirá á cidadanía e aos empregados públicos acreditar os coñecementos e habilidades dixitais, tomando como referencia o marco europeo.

Ademais, estase a elaborar o decreto que regulará o rexistro de apoderamentos, e que permitirá habilitar a unha persoa ou a un funcionario público a realizar trámites dixitais en nome doutra persoa.

Dejar una respuesta

Please enter your comment!
Nombre