Inicio Galicia A Xunta adxudica as obras de mellora do sistema de bombeo da...

A Xunta adxudica as obras de mellora do sistema de bombeo da rede de saneamento na parroquia de San Nicolás, en Neda

0

Esta actuación conta cun investimento autonómico de case 50.000 euros

A Consellería de Infraestruturas e Mobilidade vén de adxudicar as obras de mellora do sistema de bombeo da rede de saneamento na parroquia de San Nicolás, no Concello de Neda.

Esta actuación, adxudicada á empresa Espina y Delfín, conta cun investimento autonómico de case 50.000 euros.

Na actualidade, o bombeo da estación de ferrocarril dispón de dúas bombas cun caudal de 90 m3/h cada unha, que é incompatible co actual bombeo da entrada á planta que se sitúa entorno aos 50 m3/h.

Para solucionar estas carencias, modularase o réxime do funcionamento do bombeo da estación de ferrocarril e comunicaranse ambos bombeos.

Os traballos consistirán na instalación de variadores de frecuencia que permitan axustar os caudais a valores próximos as 50 m3/h. Colocarase un cadro eléctrico dotado destes variadores que contarán con sistema de alarma.

A Xunta, a través de Augas de Galicia, continúa prestando o seu apoio técnico e financeiro aos concellos para que poidan proporcionar axeitadamente os servizos de saneamento e abastecemento aos cidadáns. 

Dejar una respuesta

Please enter your comment!
Nombre