Inicio Galicia A porcentaxe de participación na OPE para a categoría de técnico en...

A porcentaxe de participación na OPE para a categoría de técnico en coidados auxiliares de enfermería do Sergas supera o 92%

0

Un total de 8.097 aspirantes acudiron esta tarde ao Recinto da Feira Internacional de Galicia en Silleda (Pontevedra) para realizar os exames do concurso oposición correspondentes á categoría de técnico en coidados auxiliares de enfermería nas quendas de acceso libre, promoción interna e discapacidade xeral. O número de persoas admitidas foi de 8.768, o que supón unha participación do 92,35%.

Neste proceso selectivo ofértanse 772 prazas, das que 37 corresponden á quenda de discapacidade intelectual.

Como en anteriores procesos selectivos, para dar cumprimento ás esixencias de obxectividade e imparcialidade na selección das persoas aspirantes, reforzáronse as medidas de seguridade coa posta a disposición dos tribunais de selección dunha plataforma securizada para a elaboración de cada un dos exercicios da fase de oposición, garantindo deste xeito o seguimento de todo o proceso, así como a selección aleatoria e automatizada das preguntas do exame. 

Dejar una respuesta

Please enter your comment!
Nombre