Inicio Galicia A Policía Autonómica identificou durante esta fin de semana máis de 300...

A Policía Autonómica identificou durante esta fin de semana máis de 300 persoas en 59 operativos na provincia de Pontevedra para controlar as medidas ante a covid-19

0

A provincia rexistrou dispositivos e inspeccións en seis concellos con especial incidencia nas cidades de Pontevedra e Vigo

Axentes da Policía Autonómica identificaron a 312 persoas durante esta pasada fin de semana nos 59 dispositivos e inspeccións organizados na provincia de Pontevedra no marco do plan de actuacións específicas destinadas á prevención, inspección e control do cumprimento das medidas adoptadas polas autoridades competentes fronte á covid-19. Ao abeiro destes controis, os axentes actuaron en seis concellos e procederon á interposición dunha decena de denuncias.

En base a este Plan, a Policía Autonómica destinou efectivos entre o 6 e 8 de novembro para controlar que se están a cumprir as medidas vixentes para frear a expansión do virus. Leváronse a cabo 24 dispositivos e 35 inspeccións nos municipios de Pontevedra, Vigo, Poio, Meis, Moaña e Cangas do Morrazo, que derivaron en 630 actuacións destacando especialmente nas dúas cidades, con 296 e 303, respectivamente.

No conxunto da comunidade galega, os axentes actuaron nun total de 30 concellos, nos que que se rexistraron 87 dispositivos e 116 inspeccións, con máis de 550 persoas identificadas e 29 denuncias tramitadas.

Estes dispositivos enmárcanse no seo da colaboración entre as forzas e corpos de seguridade, cada unha no marco das súas competencias. Durante os operativos, os axentes controlaron que nos establecementos abertos ao público, terrazas e espectáculos públicos se estaban a cumprir as medidas aprobadas polas autoridades sanitarias para facer fronte á covid-19, como o uso obrigatorio de máscara, o cumprimento da distancia de seguridade, así como o aforo e o horario de peche dos locais e a prevención do botellón.

Dejar una respuesta

Please enter your comment!
Nombre