Inicio Galicia A delegada territorial da Xunta en Pontevedra, Luisa Piñeiro, realiza unha visita...

A delegada territorial da Xunta en Pontevedra, Luisa Piñeiro, realiza unha visita institucional a Campo Lameiro

0
image_gallery.jpg

A nova representante territorial analizou co alcalde desta localidade, Carlos Costas, as necesidades e demandas deste concello en relación á administración autonómica centradas nos accesos ao parque arqueolóxico, así como a melloras no saneamento


A delegada territorial da Xunta en Pontevedra, Luisa Piñeiro, continúa coa rolda de visitas institucionais, e hoxe mantivo un encontro co alcalde de Campo Lameiro, Carlos Costas, con quen analizou as principais demandas do municipio en relación a administración autonómica.

Entre os principais temas que se analizaron durante o encontro, atópase a necesidade de mellorar o saneamento da parroquia de Fragas, e en concreto, do lugar de Reboredo, así como a estrada de Serrapio e a posta en marcha dunha senda peonil que remate a que existe actualmente entre Campo Lameiro e o parque arqueolóxico desta localidade.

Por outra banda, o rexedor insistiu na necesidade da colaboración da Xunta de Galicia en relación ao adecentamento dos petroglifos que se atopan no Campo de Matabois e no Chan da Lagoa, e que están catalogados como zona BIC.

Cuestións coma a posta en marcha de obras de mellora de estradas rurais ou de humanización de certos entornos pecharon o encontro entre ambos responsables políticos, agradecendo o rexedor a visita de Luisa Piñeiro ao concello.

Dejar una respuesta

Please enter your comment!
Nombre